Datorren larunbatean, abenduak 22, arratsaldeko 19:30etatik aurrera Artziniegako Museoak ateak irekiko ditu bertaratzen diren pertsona guztiek "Los últimos pastores de Sierra Salvada" dokumentalaz gozatzeko aukera izan dezaten.

Ikazkina datorren igandea, abenduak 16, arratsaldeko 18:00etatik aurrera Artziniegako Museora hurbilduko da, txikiek Olentzerori igorri nahi dioten eskutitzak jasotzeko asmoz.

Ezinbestekoa izango da aurrertiaz hitzordua eskatzea 945 39 62 10 telefonora deituta.

Artziniegako Udalak jakinarazi gura du, bihar asteazkena, abenduak 12, 8:00etatik 19:00etara bitartean gutxi gorabehera Artekale kalea itxita egongo dela.

Itxiera Udalarekin zerikusirik ez duten lanek eragin dute.

Barkatu eragozpenak

Hiriska emakumeen elkarteak, Artziniegako Udalaren laguntzarekin, Eguberrietako gozogintza lehaiketaren hogeigarren edizioa antolatuko du datorren ostiralean, abenduak 14. 

Azken buruko eta goxokiak 17:30etatik 18:00etara bitartean bilduko dira Udaletxe sarrean.

Parte hartzaile guztiei landare bat eta bonboiak emango bazaizkie ere, hauek izango dira banatuko diren hiru sari nagusiak:

- Aurkezpen onenari saria

-Prestaketa onenari saria

- Zapore onenari saria

 Gozoki eta azken burukoak lehiaketa bukatutakoan aretoan bertan dastatuko dira eta sari banaketa arratsaldeko 19:00etatik aurrera burutuko dute.