Udalak triziklo elektriko baten erosketa esleitu du udal-brigadarako, 5.505 euroko zenbatekoan, eta Eusko Jaurlaritzak 3.600 euroko diru-laguntza eman dio, garapen jasangarria sustatzeko. Ibilgailu horrek erraztu egingo du brigadako langileak hainbat lanetara hurbiltzea, hala nola udalerrian paperontziak jasotzera joatea edo garbiketa-lanak egitera.

Jakinarazi nahi dugu datozen egunetan, eta Hiriko Atearen ingurua hobetzen jarraitzeko asmoz egin diren eraberritze-obren esparruan, egoitzaren aurreko espaloian dauden olioa eta arropa biltzeko edukiontziak birkokatuko direla, eta Axpe urbanizazioaren ondoko edukiontzi-multzora eramango direla. Gainera, Saratxagureneko aldaparen asfaltatze eta hobekuntza aprobetxatuz, Arenazako edukiontziak ere birkokatuko dira.