Gaur, Aiaraldea Eskualdeko Beldur Barik lehiaketaren 6. edizioa aurkeztu da Orozkon, 11. edizioa orokorrean. Beste behin ere ere, txapelketaren helburua gazteen artean genero indarkeria prebenitzea da.
Ekitaldia Orozkoko Udaletxeko Bilkura Aretoan izan da. Bertan, Orozkoko alkateak, Pedro Mari Intxaurragak, eta Berdintasun zinegotziak, Idoia Camachok, txapelketaren nondik norakoak azaldu dituzte. Laia Eskola Aiaraldearen testuinguruan berdintasunaren alde lan egiten duten udalerrietako eta Kuadrillako ordezkariak aritu dira aurkezpenean.
Lehiaketaren oinarriak
Beldur Barik lehiaketa 12 eta 26 urte bitarteko gazteei zuzenduta dago eta adierazpen artistikoak saritzen ditu. Lan horiek neska-mutilek ezberdintasun egoerei Beldur Barik jarrerarekin nola egiten dieten aurre erakutsi behar dute; alegia, errespetua, parekidetasuna, askatasuna eta autonomia, elkarkidetza eta indarkeria sexistaren bazterketa irmoa adierazten dituzten jokaeren bidez.
Hiru kategorietan lehiatuko dira parte-hartzaileak: 12 eta 13 urte bitarteko nerabeak, 1. kategorian; 14 eta 19 urte bitartekoak, 2. kategorian; eta, azkenik, 19 eta 25 urte bitarteko gazteak, 3. kategorian.
DBHrik ez duten herrietan, gainera, LHko azken zikloko ikasleek hartuko dute parte, hots, 10 eta 12 urteko haurrek. Kasu honetan, parte-hartzaileek udal berdintasun teknikariei bidali behar dizkiete lanak, posta elektronikoz, edo aurrez aurre entregatu pendrive baten bitartez.
Kategoria bakoitzeko, 150 euroko saria banatuko da. Sari banaketa ere Orozkon izango da, azaroaren 27an, asteazkenean. Lanak bidaltzeko epea azaroaren 5ean, ostegunean, amaituko da eta, aipatutako kasuan izan ezik, beldurbarik.eus webgunearen bitartez kudeatuko da.
Informazio gehiago: Aiaraldeko Berdintasun Zerbitzuetan eta beldurbarik.eus
Artziniega: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.. Tfno: 686587889