Erromerietan parte hartu nahi eta dantza egiten ez badakizu edo bestela ere, euskal dantzak praktikatzen hasi nahi baldin baduzu, hemen duzu aukera, euskal dantzen ikastaro berrian.
Azaroaren 6an hasi eta urtarrilaren 29an bukatuko da.
Inskripzio fitxa urriaren 22tik 31ra arte udaletxean entregatu beharko dute interesatuek.
Gutxienez bertan erroldatutako 9 pertsona beharko dira taldea osatu eta jarduera aurrera eramateko. Plaza kopuru mugatuak.
- Bertan erroldatutakoak 18,15 €
- Tarifa murriztua: 14,85 €
- Kanpoan erroldatutakoak: 32,89 €
Artziniegako Udalak jakinarazi gura du datorren astelehenean, urriak 22, Garai plaza ondoko autobus geltokia hobetzeko lanak hasiko direla.
Hori dela eta, Gasteizarunzko autobusen geltokia lekuz aldatuko da hurrengo honetan zehaztutako puntura (semaforoa eta zebrabidearen alboan) .
Aurten ere, Aiala Txirrindularitza elkarteak abian jarri du "Probatu txirrindularitza" programa didaktikoa, Artziniegako Udalaren laguntzaz. Programa horren helburua da bizikleta sustatzea umeen artean, jolas arloan zein lehia-kirolean. Programaren asmoa da umeei irakastea bide-segurtasuneko oinarrizko arauak eta bizikleta nola erabili, eta umeak txirrindularitza munduan sarraraztea. Horiez gain, ez dugu ahaztu behar umeak noizean behin txirrindulariak direla eta trafiko arloko zenbait arau errespetatu behar dituztela, istripuak ekiditeko.
Programa didaktiko hori, aurreko urteetan bezala, Arteko Gure Ama ikastetxean egingo da asteazkenetan, 17:45tik 18:45ra. Programa guztiz dkoako da. Bizikleta egoera onean izatea behar da, besterik ez.
Euskadiko Errefuxiatuen Laguntzarako Batzordeak, CEAR, Arabako Foru Aldundiaren, Artziniegako Udalaren eta Zas! elkartarekin batera, "Bizilagunak" deituriko te tertulia bat antolatuko du datorren urriaren 24an, arratsaldeko 18:00etatik aurrera Artziniegako udaletxean.
Egitasmoa, zurrumurruen aurkako estrategiaren testuinguruan kokatzen da, hots, geroz eta gehiago nagusitzen ari diren errefuxiatuen aurkako zurrumurru negatiboetan fundatzen den horretan.
Zabaia Landa Garapenerako Elkarteak eta Amurrio Bidean elkarteak, astelehenean, urriak 22, 11:00etatik 12:30etara bitartean ReforAmurrion egingo den bertako produktuen salmenta kolektiborako esperientzien inguruko jardunaldian parte hartzera gonbidatzen zaituzte.
Aiarako Eskualdeko nekazaritza produktuen industria eta ekoizle txikiei zuzendutako jardunaldia, kudeaketa aurreratuaren Europako 24. Astearen testuinguruan egingo da.
EGITARAUA
11-11.45 ERAKUSKETA
URKOME, Urola Kostako landa garapenerako elkarteak (Gipuzkoako 11 udalerrik osatutakoa) lankidetza proiektuak garatu ahal izateko sortu diren onura, palanka eta babesei buruz hitz egingo du:
- Urolapiko, Urola kostako elikagaien banaketa sistema.
- Azoka Plaza, bertakoa elikatuz, Azpeitiako hornidura plaza
Baita oztopoei buruz ere.
11.45-12.30 EZTABAIDA
Bertaratzen diren baliabide eta beharren araberako, bertako ekoizle eta produktuen lankidetzaren potentzialaren inguruan.
Informazio gehiagorako
AMURRIO BIDEAN
Tf: 945 891721
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
