Udalak hasiera batean onartu du Hirigune Historikoan trafikoa sartzea eta aparkatzea arautzen duen Ordenantzaren aldaketa. Gogoratu ez dela Ordenantza berria, baizik eta 2013tik bazegoela bat, baina haren aplikazioa -piboteen sistema- zaila izan dela hainbat arrazoirengatik. Orain, matrikulak irakurriz sarbidea kontrolatzeko sistema berriarekin sistema eta aplikazioa hobetuko dira.

 

Ez da berehala sartuko indarrean, oraindik lana dago aurretik, baina sistema berrirako lehen urratsa emango dugu. Sistema honek, sarbideak kontrolatzeko moduaz gain, berritasun bat du: Udalak izapidetuko ditu zehapenak, eta ez Eusko Jaurlaritzak. Hala ere, Ertzaintza izango da isun fisikoak jartzeko orduan eragile nagusia, eta, legeak ezartzen duenaren arabera, baita Udala bera izan daiteke salaketa jarriko duena edo edozein auzokide.

 

Onarpen honetara iritsi aurretik, Udalak informazio eta eztabaida aldi bat ireki zuen.

 

2025eko urriaren 1ean, Udalak Hirigune Historikoko oinezkoen gunea erregularizatzeko Ordenantza berriaren zirriborro-proposamena argitaratu zuen, eta hilabeteko epea eman zuen interesdunek proposamenak aurkez zitzaten. Hilabete horren ondoren, hainbat proposamen eta kontsulta jaso ziren, proposatutako zirriborroa hobetzeko.

 

Hurrengo urratsa merkatariekin bilera bat egitea izan zen, 2025eko azaroaren 20an, non bi aldeek elkarri entzun, eztabaidatu eta haien proposamenak jaso genituen.

 

Ondoren, 2025eko abenduaren 2an, herritarrei irekitako bilera baterako deia egin zen. Bertan, ordenantza-proposamena berriro eztabaidatu zen, ekarpenak jaso ziren eta kontsultak eta zalantzak erantzun ziren.

 

Jasotako guztiarekin proposamena osatu zen, eta 15:30etik aurrera baimenduta ez dauden ibilgailuei Hirigune Historikorako sarbidea ixteari buruzko eztabaidari dagokionez, merkatariei entzutea erabaki zen, eta ordutegi horretan 15:30etatik 19:00etara 30 minutuko "leiho bat irekitzea" proposatu zen, baimendu gabeko edozein ibilgailu Hirigunera sar dadin erosketak edo izapideak in situ egiteko, egunean behin. Horrela, baimena ez duten ibilgailuak dituzten bezeroek arratsaldeko ordutegi horretan erosketak edo kudeaketak egin ahal izateko saltokiek egindako eskaerari erantzuten genion, sartu eta irten arteko ordu erdiko gehieneko denborarekin, eta inolako arrazoirik gabe ibilgailuak sartzea saihestuz edo baimendu gabeko ibilgailuak ordu luzez aparkatzea ekidituz, espaloiak kasu. Eta hala jakinarazi genion AEMEri, arratsaldeko ordutegian erosteko premia horri irtenbidea ematen zitzaiola ulertuta. Eta hala uste dugu.

 

Ordenantza baten aurrean gaude, eta ziur gaude Hirigunean ibilgailuen zirkulazio handia gutxituko duela, Herrigunean ez ezik udalerri osoan ere aparkaleku txarra saihesten saiatuko dela, oinezkoek ibilgailuarekiko duten lehentasunaren alde egiten jarraituko duela, arrakasta izan duten beste esperientzia batzuetan bezala, eta denborak aurrera egin ahala hobetuko den Ordenantza izango dela, beharrezkoa bada.

 

Udaletik gonbidapen bat egiten diegu herritarrei ordenantza irakur dezaten. Ordenantza Udalean eta bere web orrian dago eskuragarri, eta esan nahi diegu zalantzak edo iruzkinak dituen edonoren eskura gaudela Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikora edo modu pertsonalizatuan helarazteko.