Artziniegako Udalak 2018-2019 ikasturtean udalerrian bertan euskara ikasteko taldeak sortzeko deialdia irekiko du irailaren 4tik 27ra.
Deialdia C1 (EGA)-rainoko edozein mailatako taldeak sortzeko da, eta ikasturtean zehar gutxienez 165 eskola-ordu emateko (5 ordu astean gutxi gorabehera). Hala ere, ordu gutxiagoko taldeak sortzeko aukera aztertuko da.
Izena ematea: inskripzio-fitxa bete eta Udaletxean entregatu irailaren 4tik 27ra arte.
Izena emateko epea itxi ondoren, Amurrioko AEK-k ikastaldeak sortzeko aukera aztertuko da eta inskribatuei dagokien informazioa emango zaie.
Udal beka: Ikasturtearen hasieran ikasleek AEKri dagokien matrikula-kostua ordainduko diote. Ikasturte amaieran udal beka eskatu ahalko da, eta baldintzak betetzen dituztenei, matrikularen %50 arte itzuli ahalko zaie.
Matrikula prezioak:
1,78 € / eskola-ordua (248 ordu baino gutxiagoko ikast.)
1,70 € / eskola-ordua (gutxienez 248 ordu dituzten ikast.)
Informazio gehiago Aiarako Kuadrillaren Euskara Zerbitzuan:
945399122 / Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Artziniegako Udalak jakinarazi gura du, datorren igandean, irailak 9, goizeko 9:00etan hasi eta 11:00ak bitartean, gutxi gorabehera, Geltoki plazako zutoina zabalik izango dela.
Irekiera marmitako eta patata tortilla lehiaketek eragin dute.
Datorren ostegunean, irailak 6, eguerdiko 12:00etan, Arespalditzako balio anitzeko aretoan bilera egingo da, Arabako Foru Aldundiko Nekazaritza Departamenduak martxan jarri duen fruta-arbolen landaketak burutzeko dirulaguntza lerro berria azaltze aldera.
INFORMAZIO BILERA
Artziniegako frontoiak, eskuz binakako bina partidu jasoko ditu datorren larunbatean, irailaren 8an, gaueko 21:00etatik aurrera.
22 tantutara heltzeko lehen saioa, Ainhoa Urien-Oihana Orbegozo jokatuko dute Amaia Araiztegi- Maider Mendizabalen kontra. Partidu hau bukatu eta berehala lehia berri bat hasiko da, Mendia-Artola, Karregal-Madariagaren kontra.
ESKUZ BINAKAKO PARTIDUAK ARTZINIEGAKO FRONTOIAN
Irailak 8, larunbata, 21:00etatik aurrera:
- Ainhoa Urien-Oihana Orbegozo, Amaia Araiztegi- Maider Mendizabalen kontra
- Mendia-Artola, Karregal-Madariagaren kontra