Datorren larunbatean, abenduak 16, arratsaldeko 20:00etatik aurrera, Artziniegako Agustindar Mojen Konbentuak, Mendieta Kultura elkarteak, Artziniegako Udalaren eta Arabako Foru Aldundiaren laguntzarekin antolatutako "Rhapsody in blue" kontzertua hartuko du.
Kontzerturako sarrera doakoa izango da.
Abenduaren 16an eta 17an, 11:30etatik 13:30etara bitartean, Artziniegako udal liburutegiak ateak irekiko ditu, Urizahar elkarteak, Amurrioko Laguntza elkartearekin eta Artziniergako Udalarekin batera, jostaiulen bilketa solidarioa hartzeko. Egoera onean dauden jostailuak baldin badituzue, etxean lekua okupatzen eta inork erabbiltzen ez baditu...ez zalantzarik izan eta lagundu...
Zure jostailuek beste ume batzuen irribarrea eragin dezakete
(Iturria Eusko Jaurlaritza)
Hiriska emakumeen elkarteak, Artziniegako Udalaren laguntzarekin, Eguberrietako gozogintza lehaiketaren hemeretzigarren edizioa antolatuko du datorren ostiralean, abenduak 15.
Azken buruko eta goxokiak 17:30etatik 18:00etara bitartean bilduko dira Udaletxe sarrean.
Parte hartzaile guztiei landare bat eta bonboiak emango bazaizkie ere, hauek izango dira banatuko diren hiru sari nagusiak:
- Aurkezpen onenari saria
-Prestaketa onenari saria
- Zapore onenari saria
Gozoki eta azken burukoak lehiaketa bukatutakoan aretoan bertan dastatuko dira eta sari banaketa arratsaldeko 19:00etatik aurrera burutuko dute.
Turismo, Merkataritza eta Kontsumo Sailak 250.000 bonu aterako ditu merkatura. Bonu horien bitartez 2,5 milioi euro jarriko dira merkatuan Gabonetako kanpaina bultzatzeko.
10+ Merkataritza Bonuaren bitartez, erosketetan gastatutako 20 euro bakoitzeko Merkataritza Sailak beste 10 euro ematen ditu Euskadiko dendetan gastatzeko.
Turismo, Merkataritza eta Kontsumoko sailburu Alfredo Retortillok, gaur, tokiko merkataritza sustatzeko 10+ Merkataritza Bonua kanpaina aurkeztu du, Barakaldoko alkate Amaia del Camporekin eta ACE Barakaldo elkarteko presidente Ana Morgadorekin batera. Gainera, bertan egon dira Juan Andrades merkataritza-zuzendaria; Gregorio Rojo, Arabako Merkataritza Ganberako presidentea, Eusko Ganberak elkarteko ordezkari gisa; Jon Andoni Aspuru, Euskomer konfederazioko presidentea; eta Bittor Lizarribar, Euskaldendak konfederazioko presidentea. Guztiak Eusko Jaurlaritzaren laguntzaile dira, kanpaina saltokiekin koordinatzeko lanean.
Retortillok gogoratu du Euskadiko saltokiek krisia gogor lan eginez gainditu dutela. “Euren lana aitortu beharra dago eta eusteko izan duten ahalmena eskertu behar zaie. Mila esker, benetan, hor egoteagatik. Baina eskerrak emateaz gain, gure lana ere bada ahalegin hori babesteko modua bilatzea”.
Horregatik, 10+ Merkataritza Bonuaren bitartez, hurbileko saltoki txikiari Gabonetako kanpainako erosketetan laguntzea bilatzen da. “Jakina da, tokiko saltokirik gabe, gure kaleek eta auzoek, gure herriek eta hiriek gizarte-kohesioarekin, eta saltoki horietako erakusleihoetako argien eta produktuen inguruan, gure kaleetan ibiltzeko alaitasunarekin ere loturik dagoen funtsezko elementu bat galtzen dutela.
Hori dela eta, lehen aurkezpen hau Barakaldo bezalako herri batean egitea erabaki dugu, merkataritza-arloan tradizio luzekoa eta dendek girotutako kalez betea, bertako saltokien bilakaerarekin lotuta dauden Euskadiko hainbat lekuren eredu gisa”, azaldu du Retortillok.
“Kanpaina hau gure kaleetan beharrezkoa den bizitza hori pixka bat gehiago sustatzera ere zuzendua dagoela pentsatzea gustatzen zait. Guztioi interesatzen zaigu, bai dendarioi bai herritarroi. Lagundu dezagun guztiok eginkizun horretan” gaineratu du sailburuak.
10+ Merkataritza Bonua
10+ Merkataritza Bonua ETEei, hurbileko saltoki txikiei zuzendua dago. Saltokiek —aurretik ohartarazi zaie— datorren abenduaren 22ra arte eman ahal izango dute izena —batzuek jada eman dute—.
Eroslearentzako bonuak 20 euroko kostua izango du, eta Sailak beste 10 euro emango dizkio, atxikitako saltokietan 30 euro gastatu ahal izateko. Pertsona bakoitzak gehienez 2 bonu erosi ahal izango ditu, eta urtarrilaren 5era arte batera edo bakoitza bere aldetik gastatzeko aukera izango du.
Bonua ez dago produktu-kategoria jakin batean gastatu beharrik. Bonuarekin edozein saltoki motatan eros daiteke: arrandegi, harategi, zapata-denda, arropa-denda, liburu-denda, lurrin-denda eta abarretan. Atxikitako establezimenduek euren erakusleihoetan edo ateetan kartel bat jarriko dute, eta bertan erosi eta gastatu ahal izango da bonua.
www.bono10.eus
Merkatariek bat egin dezatenerako agiria