Aiara Oinezek azaroaren 6an eta 22an, arratsaldeko 18:00etatik 20:00etara bitartean Artziniegako Udaletxe Berriko osoko bilkura aretoan bihotz-birikak bizkortzeko ikastaroa antolatuko du. Bihotz birikak bizkortzeko produza hau larrialdetarako kasuetan erabiltzen da, pertsona bat arnasa hartzeari uzten dioenean eta bihotza gelditzen zaionean.

Doako ikastaroa pertsona helduei zuzenduta dago.

Bihotz birikak bizkortzeko ikastaroa

• Azaroak 6 eta 22
• 18:00etatik 20:00etara
• Udaletxe Berriko osoko bilkura aretoan
• Izen emateak osasun zentrora deituta 945 39 65 63- 945 39 93 32
• Aiara Oinez-ek antolatua

Artziniegako Udalak jakinarazi gura du, asteazkenean, azaroak 14, gaueko 23:00etan hasi eta ilunabarreko 4:00ak bitartean, gutxi gorabehera, ur zerbitzua eten egingo dela hurrengo toki hauetan:

• Artziniega herrigunea(Alde zaharra, gainontzeko kaleak eta etxaldeak)
• Eskartza auzoa
• Barretaguren auzoa
• Ureta auzoa
• Soxoguti

Ur etena, ur-sare nagusia hobetzeko egin beharreko lanek eragin dute.

Barkatu eragindako eragozpenak.

Informazio gehiagorako

Santxotena Tailer Museoan ostiral honetan, azaroak 16, arratsaldeko 19:30etatik aurrera "El orgullo de ser Agote" liburuaren aurkezpena hartuko du, Josu Legarreta Bilbao eta Xabier Santxotena Alsúaren lan originala.

EREIN argitaraletxeak bere web gunean deskribatzen duen bezala, liburuak "Agote Herriaren historiaren mila urte laburbiltzen ditu. Zehazki bere jatorria frogatu eta zehazteko aukerarik izan ez duen gizon-emakume multzo baten eta misterioz betetako mila urte, Pirineoen alde batera eta bestera bizi zen herri sakabanatua. Mespretxuak eta bazterketak madarikatu bihurtzera eraman zuen herria. Hala eta guztiz ere, Agoteak indarttsu borrokatu zuten."

Liburuan eta herri erakargarri zein ezezagunean interesa dutenei irekitako aurkezpena.