Interesdunei jakinarazten zaie maiatzaren 24tik uztailaren 24ra bitarteko egun baliodunetan (biak barne) 2019ko Trakzio Mekanikoko Ibilgailuen gaineko Zerga ordaintzeko borondatezko epea hasiko dela.
Ordainketa helbideratuta duten pertsonek ez dute inolako kudeaketarik egin beharko. Udala arduratuko da kobrantza bideratzeaz; hain zuzen, 2019ko ekainaren 5ean. Udalak helbideratzea bertan behera utzi ahal izango du, baldin eta ordainagiriak itzultze bazaizkio edo nahiko saldo ez badago.
Ordainketa helbideratua ez duten pertsonei ordainketa-gutun bat bidaliko zaie postaz, edo gure bulegoan emango zaie, barra-kode baten bidez KUTXABANKen ordaindu dezaten: libretaren edo txartelaren bidez diruzainetan, urrutiko bankuaren bidez edo bulegoetan (ordutegia hartu behar da kontuan).
2019ko uztailaren 25etik aurrera, administrazio-premiamenduko prozedura betearazleari emango zaio hasiera, Diru Bilketako Erregelamendu Orokorrean ezarritako xedapenei jarraituz, eta ordaindu gabeko kuotak kobratuko dira, dagokien errekarguarekin.
Banku-helbideratzeen altak edo aldaketak eta jakinarazpenetarako helbideen aldaketak Artziniegako Udaletxean izapidetu behar dira
Ekainaren 10ean eta 13an, Artziniegako udaletxe zaharrean, aurretiazko borondateen dokumentuari buruzko bina tailer eskainiko dira.
Tailerrak arratsaldeko 18:30etan hasiko dira eta ordu eta erdi iraungo dute.
Lehen tailerrean, dokumentuaren ezaugarri eta helburuei buruzko infomazioa eskainiko da.
Bigarren tailerrean, egin nahi dutenek erredaktatu dezaten behar beste dokumentazio eskainiko zaie.
Parte hartu nahi dutenek, euren izen abizenak eta harremanetarako telefonoa utzi deezakete anbulatorioan.
Artziniegako Udalak jakinarazi gura du, bihar osteguna, maiatzak 23, ur horniketa zerbitzua etengo dela hurrengo puntu hauetan:
Horniketa zerbitzuaren etetea goizeko 9:30etatik eguerdiko 12:00ak arte, gutxi gorabehera izango da.
Ur horniketa zerbitzua, ur sare nagusian egin beharreko konponketa lanek eragin dute.
Barkatu sortutako eragozpenak.
Artziniegako Udalak txangoa antolatuko du datorren asteazkenean, ekainak 12, La Rhune eta Donibane Lohitzunera. Jardunaldi horretarako antolatutako egitaraua honako hau izango da:
7:00 parte hartzen dutenek busa hartuko dute bus geltokian.
Goizean zehar: Rhuneko trena ezagutzea
14:00 Otordua
Arratsaldea libre Donibane Lohitzune ezagutzeko
20:30 Iztulera.
Izena emateko prozedura:
65 urte baino gehiagoko pertsonek izena emateko aukera izango dute. Eta bikote bat baldin bada, bietako batek ezaugarri hau betet beharko du.
30 euro ordaindu (garraio, bisita eta bazkariagatik) Artziniegako Udaletxean (erroldatu gabe dauden pertsonek, ordea, 40 euro ordaindu behakro dituzte). Plaza kopuru mugatua.
Artziniegan erroldatutakoek lehentasuna izango dute izena emateko unean. Behin izenaemanda, ez da txangoagatiko dirurik itzuliko .
Izena emateko epea: maiatzaren 27tik ekainaren 5era bitartean zabalik
Artziniegako Udalak ekainaren 1ean hasi eta hilaren 22ra bitartean, goizeko 11:30etatik 13:30etara arte, Artzientzia ekimena antolatuko du, 6 eta 12 urte bitarteko haurrei zuzendutako zientzia eta ekintza zientifikoak sustatzeko helburua duen topagunea.
EKAINAK 1 ARTZINIEGA MUSEOAN
POLIMERO BIODEGRADAGARRIAK: SLIME BLANDIBLÚ
EKAINAK 8 ARTZINIEGA MUSEOAN
KLIMA-ALDAKETA
EKAINAK 15 ARTZINIEGA MUSEOAN
KIMIKA GUZTIA
EKAINAK 22 ARTZINIEGA MUSEOAN
ENERGIA BERRIZTAGARRIAK
ARTZIENTZIA egitasmoko ekintzak guztiak doakoak dira. Izena emateko epea zabalik izango da maiatzaren 30a bitartean, udaletxean bertan.