Udalak eskaturik, Aldundiaren Errepide Sailak, Arteko Santutegiaren eta Santa Kolomaren artean, A-624 errepidea hobetzeko lanak egingo ditu gaurtik aurrera, errepide horretako pasagunean bizilagunek egindako eskaera bati erantzunez, eremu batzuen desnibelagatik galtzadaren balizko irteera batetik babesteko. Hobekuntzak egiteko, metalezko segurtasun hesia jarriko da bide horretako hiru tartetan.
Udal Gobernuak La Barcenako egungo kirol-gunearen etorkizuneko diseinua planifikatzeko asmoa du, dauden espazioak optimizatzeko eta datozen urteetan Artziniegako jolas eta kirol eskaintza hobetu dezaketen ekipamenduak aldez aurretik programatzeko, eskuragarritasun ekonomikoa kontuan hartuta.
Horregatik, gure asmoa da zuen ekarpenak, ideiak eta proposamenak biltzea, betiere zentzuzkoak eta egingarriak izan daitezen, eremu hori planifikatzeko. Zuen iradokizunak helarazi nahi dizkiguzuen guztiok Udaleko Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera bidal ditzakezue, edo, bestela, udal bulegoetan pertsonalki erregistratu.
Udal Gobernu bezala, zirriborro gisa jaso behar den planteamendu bat helarazten dizuegu, lanean hasteko. Horrela, erantsitako mapan lau eremu adierazi ditugu, eta horien gainean jardun behar dugu:
1. Burdeo-koloretan, egungo futbol-zelaia bitan banatzea proposatzen dugu: batetik, futbol-zelaia dago, eta, bestetik, hainbat ekipamendu daude, hala nola jolas-gunea, mahaiak, haurrentzako jolasak eta bestelako kirol-eskaintzak.
2. Kolore berdean, lursail hori eskailerekin eta berdegunearekin irabaziko litzateke, ondo izan daitekeen beste ekipamendu baterako, edo padel pista baterako edo futbito-saskibaloiko zelai baterako.
3. Kolore beltzez, skateparka edo antzekoa kokatuko litzatekeen gunea.
4. Gorriz, hesitutako gune bat, maskoten aisialdira bideratua.
Berriro diogu, zuen ekarpenak edo ideiak jaso arte egiten dugun proposamena da.
Udaleko Jendearentzako Arreta Zerbitzua, telefonoz zein aurrez aurre, 09:00etatik 14:00etara dago ezarrita, astelehenetik ostiralera. Laster berrantolatuko da zerbitzu hori, eta, beraz, gogorarazten da ordutegi horretatik kanpo, hau da, 08:00etatik 09:00etara eta 14:00etatik 15:00etara, ez dela telefono bidezko edo aurrez aurreko arretarik izango.
Errespetatu ordutegia, mesedez.