Udalak kirol eremua diseinatzeko egin duen proposamenarekin bat etorriz, Artziniegako kirol kezkei buruz egindako ikasturte amaierako lan batean parte hartzea proposatzen dizuegu. Animatu eta erantzun testari. Emaitzak onak izango baitira Udalarentzat ere.
Data: 2021keko otsailak 18, osteguna.
Ordutegia: 18:30.
Bai, maite dut nire burua! MAITASUNARI buruzko hausnarketa da, eta zalantzan jartzen du maitasun erromatikoaren eredu bakarra.
Maiteminduen eguna ospatzeko beste era bat ezagutu nahi baduzu, konektatu!
May Serrano, Ezkontzagina eta sortzaile eszenikoa.
Azken bi asteetan 249 kaleratze iragarri dituzte Aiaraldeko bi enpresek.
2021eko otsailaren 4an, Valvospaingo zuzendaritzak 79 langile kaleratuko zituela jakinarazi zuen, eta enpresa erabat itxiko zuela iragarri zuen, hartzekodunen konkurtso batean egon ostean. Tubacexeko zuzendaritzak otsailaren 8an jakinarazi zion enpresa batzordeari Laudioko eta Amurrioko plantillako 150 langile kaleratzeko asmoa zuela.
Bi iragarkiak, eskualdean beste negozio txiki eta ertainen galerarekin batera, kolpe latza dira Amurrioko eta eskualde osoko industria-ehunarentzat eta enpleguarentzat, enplegu asko galdu direlako eta jarduera murriztu delako eskualdeko biekoizpen-zentrotan.
Artziniegako Udalak, adierazpen instituzional honen bidez, bere kezka adierazten du bi erabakien aurrean, eta, aldi berean, bere esku dauden xedapen guztiak emateko borondatea adierazten du, enpresek iragarritako neurriak gauza ez daitezen.
1. Artziniegako Udalak Valvospain enpresako langileei eta kaltetutako familiei elkartasuna adierazten die.
2. Artziniegako Udalak elkartasuna adierazi die Tubacexek Laudion eta Amurrion dituen lantegietako langileei eta eragindako familiei, eta enpresa animatu du enplegu-erregulazioko espedientea bertan behera uztera, Amurrioko eta Laudioko lantegietan enpleguari eustea bermatuko duen akordio bat har dadin.
3. Artziniegako Udalak enplegua suntsipenagatik kezka adierazi du, eta enpresa estrategikoen jarduera galtzea deitoratu du, enpresa horiek funtsezko eragileak baitira eskualde osoko industria-garapenean.
4. Artziniegako Udalak kalitatezko enplegua defendatzeko eta Aiaraldean etorkizuneko industria-proiektu bati eusteko konpromisoa berretsi du. Era berean, Arabako Foru Aldundiari, Eusko Jaurlaritzari eta Espainiako Gobernuari eskatzen die modu proaktiboan joka dezatela industria-jarduerari eustearen alde eta kalitatezko enpleguaren alde gure sare ekonomikoan eta, bereziki, lurralderako proiektu estrategikoetan.
5. Artziniegako Udalak Euskal Autonomia Erkidegoko Legebiltzarrari eskatzen dio bizkortu ditzala Aiaraldeko Gizarte eta Ekonomia Suspertzeko Lantaldearen lanak, ahal den neurrian, ahalik eta lasterren aktibatzeko eskualdearen egoera larriagotzeari aurre egiteko behar diren neurriak.
6. Era berean, Artziniegako herritarrei dei egiten diegu gure herriko enpleguaren aldeko ekimenak eta mobilizazioak babestera.
Arkaitz San Jose (EH Bilduko bozeramailea)
Encina Castresana (EAJ-PNVko bozeramailea)
Joseba Elejalde (PPko bozeramailea)
Artziniegako Udalak prest du 2021eko berdintasun plangintza, elkarteekin, taldeekin eta herritarrekin partekatzeko, beraien ideiak eta ekarpenak jaso eta politika publiko feministak gauzatzeko.
Hala, 2021ean, honako ekintzak aurreikusten dira arloka:
Transbertsalitatea:
• Elkarteei laguntza emango zaie euren funtzionamenduan eta ekintzetan genero ikuspegia kontuan izateko.
• Udal kontratazioetan, berdintasun klausulak sartuko dira.
Emakumeen jabekuntza
• Aurten, Artziniegako emakumeei buruzko liburua egin nahi da, emakumeen memoria, aztarnak eta errealitateak jaso, aitortu eta bistaratzeko. Horretarako, martxoaren 9an, prozesuaren aurkezpena egingo dugu, egoerak hala aginduta, era birtualean, eta helburua partaideen ideiak eta ekarpenak jasotzea izango da, Artziniegako emakumeen aniztasun guztia jaso ahal izateko.
• Martxoaren 13an, autodefentsa feminista tailerra izango da, hori ere, era birtualean. Autodefentsa feminista tresna estrategikoa da indarkeria matxista detektatu eta era kolektiboan aurre egiteko.
• Martxoaren 8a, betiko moduan, Hiriska emakume elkartearekin eta talde feministarekin batera antolatuko dugu.
Jendartea eraldatzen
• Eskola eta Guraso Elkartearekin batera, hezkidetza proiektuarekin jarraituko dugu, Eskolako eragile guztiek, irakasle, ikasle, jantokiko begirale eta gurasoek berdintasuna eta aniztasuna lantzeko.
• Gainera, herriko mutil eta gizonekin ere berdintasunari buruzko gaiak landuko ditugu, beraiek aukeratutakoak, maskulinitate berrien inguruan.
• Eta Kuadrillarekin batera, ekofeminismoa lantzen jarraituko dugu, SETEM elkartearekin batera.
• Era berean, sexu eta genero aniztasunak garrantzia berezia izango du. Batetik, LGTBIQ+ kolektiboaren egoerari buruzko diagnostikoaren aurkezpena egingo da, eta bestetik, urtero moduan, Zinegoak Festibaleko laburmetraiak ikusiko ditugu ekainaren 26an, aniztasunaren aldeko kanpainaren barruan. Aurten ere, aire librean izango da.
Indarkeria matxistarik gabeko bizitzak
• Urtero bezala, Beldur Barik Aiaraldea lehiaketan parte hartuko dute herriko gazteek, hezkidetza proiektuaren barruan.
• Bestalde, jaietan eta egunerokotasunean ematen diren eraso sexistak detektatu eta aurre egiteko tailerrak antolatuko dira.
• Azaroaren 25aren kanpaina ere antolatuko da, Hiriska elkartearekin eta mugimendu feministarekin batera.
• Eta indarkeria matxista kasuak atenditu, koordinatu eta jarraipena ematen ere jarraituko da, Gizarte Zerbitzuak, Osakidetza eta Ertzaintzarekin batera. Gainera, aurten, emakumeen erreparazioaren gaia landuko da.
Beraz, hainbat ekintza eta prozesu jarriko dira martxan herrian, eta horretarako, elkarte, talde eta herritarren partaidetza ezinbestekoa da, beharrei egoki erantzuteko.
Amaitzeko, esan behar dugu herrian bertan antolatutako ekintzez eta prozesuez gain, LaiaPlazan, Arabako plaza feminista birtualean, bildutako ekintzak izango ditugula, Arabako Udalek, Kuadrillek, elkarteek eta Aldundiak antolatutako ekintzak partekatzeko plaza feminista delako.
Aipatutakoari buruzko informazioa eta ideiak eta ekarpenak egiteko: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. eta 686587889 (Whatsapp eta Telegram)