Telefonoa

Ordutegia

Astelehenetik ostiralera:
9:00etatik 14:00etara

Artziniegako Udalbatzak 2023ko Udal Aurrekontua onartu zuen ostegun honetan, EH Bilduren aldeko botoekin eta EAJren aurkako botoekin. Aurrekontua 3.586.958,82 milioi eurokoa da, aurreko urteetakoa baino askoz handiagoa, eta Kultur Etxea eraberritzeko lanak justifikatzen du, 1.563.332,06 milioiko aurrekontuarekin. Hainbat partida gehitu dira, hala nola ikastetxe publikoaren Barratxi guraso-elkarteari emandako dirulaguntza, kultura- eta kirol-dirulaguntzak, gazte-jardueren partidak, adinekoenak, kulturarenak edo gizarte-larrialdietarako laguntzak. Gainera, bide-inbentarioa egiteko partida bat sortu da, eta udal-luberriak ixteko beste bat.

Osoko Bilkurak aho batez onartu zuen atzo, halaber, Artziniegako Elikagaien Bankua arautzen duen Erregelamendua. Bertan hainbat alderdi jasotzen dira, hala nola laguntza honen hartzaileak, funtzionamendua, sartzeko baldintzak edo laguntzak emateko irizpideak. Udaleko gizarte-zerbitzuek kudeatzen dute zerbitzu hori, eta boluntarioak arduratzen dira horiek banatzeaz. Laster kontsultatu ahal izango dira Udalaren webgunean, herritarren arretarako bulegoetan edo Udalaren gizarte-zerbitzuetan, astelehen, astearte eta ostegunetan.

beste herriekin partekatzen den Brigadarako 45 urte baino gehiagoko langileak lanaldi osoan eta 6 hilabetez kontratatzeko deialdia publikatu da. Informazio gehiagorako:

https://apps.lanbide.euskadi.net/apps/OF_DETALLE_OFERTA_TRABAJO?LG=E&ML=OFEMEN1&MS=Eaaa&IDRG=162023001567&CTRG=1&TEXT=artziniega&ORGN=LG%3DC%7CPM1%3D%7CPM2%3DALL%7CPM6%3Dartziniega

329678657 840754907022105 7828089416048186459 n 327001792 746355610005074 7441789369848629345 n

NEXT GENERATION EU

Next Generation EU edo Berreskuratze eta Erresilientzia Mekanismoa programa EBk sortutako inbertsio-plan bat da, koronabirusaren krisiaren ondoren ekonomia suspertzeko. Europako Kontseiluak onetsi zuen 2020ko ekainaren 21ean.

Laguntza horiek estatu kide bakoitzak garatutako Berreskuratze Planen bidez bideratzen dira, eta beharrezko berrikuntzak eta inbertsio-proiektuak barne hartzen dituzte. Espainian, Espainiako Gobernuaren Berreskuratze, Eraldatze eta Erresilientzia Planaren bidez bideratzen dira; plan hori Europako Batzordeak ere onetsi du. Plan horren bidez, Espainiak 140.000 milioi euro inguru jasoko dituela aurreikusten da, susperraldi ekonomikoan inbertitzeko eta, zehazki, trantsizio digital eta ekologikoan.

Berreskuratze, Eraldatze eta Erresilientzia Plan horrek zeharkako lau ardatz ditu: trantsizio ekologikoa, eraldaketa digitala, gizarte- eta lurralde-kohesioa eta genero-berdintasuna.

IRUZURRAREN AURKAKO NEURRIEN PLANA

Espainiako Berreskuratze, Eraldatze eta Erresilientzia Planak ezartzen du plan horren neurrien betearazpenean parte hartzen duten entitateek Iruzurraren aurkako neurrien plan bat izan beharko dutela, hartara bermatzeko eta adieraztekoko, dagokien jarduketa-esparruan, esleitu zaizkien funtsak aplikagarri diren arauekin bat erabili direla, bereziki iruzurra, ustelkeria eta interes-gatazkak prebenitu, antzeman eta zuzentzeari dagokionez.

Artziniegako Udaleko Iruzurraren aurkako neurrien plana

SALAKETEN KANALA

Artziniegako Udalak onetsitako Europako Next Generation funtsak kudeatzeko Iruzurraren Aurkako Neurrien Planaren arabera, komunikazio-sistema bat ezarriko da, barruko zein kanpoko kanaletan oinarrituta, jakinarazpen mekanismo egoki eta argiekin, Espainiako Berreskuratze, Eraldatze eta Erresilientzia Planak finantzatutako proiektuen inguruan izan daitezkeen iruzur-susmoei buruz informatzeko.

Sistema horrek honako hauek barne hartu beharko ditu:

Estatuko Kontu-hartzailetza Nagusiaren kanal publikoari buruzko informazioa iruzurrezko portaerei buruzko salaketak jakinarazteko. Kanal horretan herritar guztiek parte hartu dezakete, bai eta neurrian parte hartzen duen edozein pertsona fisiko zein juridikok ere.
Halaber, berariazko postontzi bat jarriko da martxan Iruzurraren Aurkako Neurrien Planaren esparruan egindako jarduketei lotutako salaketak jasotzeko. Salaketa horiek salatzaileen nortasuna babestuko duen berariazko protokolo baten bidez tratatuko dira. Jarritako salaketak bereziki kualifikatutako langileek aztertuko dituzte. Postontzia garatzen ari da eta ahal bezain pronto gaituko da.