COVID-19 pandemiak tokiko merkataritzan eta ostalaritzan eragindako egoerak irtenbide irudimentsuak bilatzera eraman du, sektorearen biziraupenari laguntzen saiatzeko. Helburu horri jarraiki, Vital Fundazioak 'Txikia oso handia da' kanpaina jarri du abian. Plataforma horren bitartez, herritarrek 'BIZIdendak' bonuak erosi ahal izango dituzte gogokoen dituzten saltoki eta ostalaritza-lokaletan, gero bonu horien truke erosketak egiteko.
