-
Hasiera
- Berriak
Uztailaren 1etik aurrera, uraren hornidurarekin eta saneamenduarekin lotutako zerbitzu guztiak (ordainagiriak, irakurketak, altak eta bajak...) Urbide Ur Partzuergoaren eskumenekoak izango dira. Artziniegako urarekin zerikusia duen edozein gairi buruzko informazio telefonoa gaurtik aurrera 945 035 035 izango da herritarren arretarako eta 628 278 786 matxuretarako.
Udalak jakinarazi nahi du joan den apirilaren 8an argitaratu zela BOEn 7/2022 Legea, apirilaren 8koa, ekonomia zirkularrerako hondakin eta lurzoru kutsatuei buruzkoa, Espainiako Estatu osoan nahitaez bete beharrekoa. Izan ere, lege berri horrek zuzenean ekarri du uztondoak erretzea debekatzea. Horretarako, jendeak baimena eskatzen zien bai Aldundiko Mendi sailari, baldin eta erretzea onura publikoko mendian bazen, edo Udalari, hiri-lurzoruan bazen. Legeak nekazaritza eta baso hondakinak erretzea debekatzen du, lastoa edo inausketa-adarren hondarrak beste mota bateko hondakinekin parekatuz. Hau da, jada ez da baimenik emango eta, beraz, ezingo dira erretze horiek egin; aitzitik, hondakin horiei irtenbide bat eman beharko zaie, birziklatzeko moduan, adibidez konposta egiteko edo txikituz. Artziniegako Udalak, udalerri gehienek bezala, ez du baliabiderik inausketetatik, mozketetatik edo garbiketetatik datozen zabor horiek berrerabiltzeaz arduratzeko; beraz, goragoko beste erakunde batzuekin koordinatuta hondakinen sorrera horri irtenbide bat ematea erabaki arte edo Legea aldatu arte, partikular bakoitzak birziklatze hori bere gain hartu beharko du, eta jakitun izan beharko du erretzea debekatuta dagoela eta zehapenak ekar ditzakeela: 100.001 eurotan hasi eta 3.500.000 euro arte doazen isunak.
Ekaineko igandeetan herriko sei ostalaritza-establezimenduk hartu dute parte pintxo proposamenarekin.
Bigarren postuan, eta distantzia laburrera, Plaza kafetegia sailkatu da. Guztira, 68 boto baliodun izan dira.
Bestalde, Udala harremanetan jarriko da 50 euroko hiru sariak irabazi dituzten hiru pertsonekin. Hiru sariok establezimendu irabazlean gastatuko dira, zozketa gaur arratsaldean egin da.
Udalak eskerrak eman nahi dizkie parte hartu duten sei establezimenduei eta pintxoa dastatu duen jendeari.
Saria uztailaren 10eko eguerdian emango zaio.
Tamaina handiko bilketa-zerbitzua erabiltzeko arauak gogoraraztea.
Tresnak eta tamaina handiko tresnak biltzeko zerbitzuak hileko egutegi bat du udalerri bakoitzeko, eta egutegi horretan zehazten dira erabiltzeko egunak eta arauak. Egutegi hau publikoa da eta https://www.cuadrilladeayala.eus/web orrian kontsulta daiteke.
Jasotzeko, 900 101 476 doako telefonora dei daiteke, edo App-aren bidez, linea berdea. Udalerriari dagokion bilketa-egunaren bezperan uzten dira tresnak. Beste instalazio batzuk ere erabil daitezke: Laudioko garbigunea, Amurrioko garbigunea eta Okondoko garbigunea.
