-
Hasiera
- Berriak
Aurreko legegintzaldian LED argiztapena duen argiteria publikoaren sarea erabat berritu ondoren, eta ikastetxearen, frontoiaren edo kiroldegiaren argiztapena ere aldatu ondoren, hurrengo urratsa udal-estalkietan enegria fotovoltaikoa instalatzearen aldeko apustua egitea izango da. Zehazki, Eusko Jaurlaritzako Hezkuntzari dirulaguntza eskatu zaio uda honetan Arteko Gure Ama zentro esakolarreko teilatuan panelak jartzeko, 36.700 euroko kostuarekin. Era berean, beste kokaleku batzuetan (frontoian eta kiroldegian) instalazioa aurten bertan egitea aztertuko da, proiektu bakoitzaren proposamenak eta aprobetxamenduak aztertu ondoren.
Udalak ArquiRest enpresari esleitu zizkion obrak (udal zaharreko balkoia konpontzeko lanak egin zituen enpresari berari), 48.382,01 euroren truke. Obra horiek jarraipena ematen diete azken urteotan hirigune historikoan irisgarritasunaren arloan egin diren jarduerei. Kasu honetan, helburua Goiko Plazan sartzea erraztea zen, kontsultategia eta adineko pertsonentzako lokala bertan baitaude. Obra horiek 7.431 euroko dirulaguntza jaso dute Eusko Jaurlaritzako Lurralde Plangintza eta Etxebizitza Sailetik. Legegintzaldi honetan, irisgarritasuna hobetzen jarraituko da udalerriko beste toki batzuetan. Duela gutxi, Udalak dirulaguntza eskatu du udalerriko Irisgarritasun Plan Integral berri bat idazteko, aurrekoa ordeztuko duena, 2008an idatzia. Plan berria izango da datozen urteetan jarduerak gauzatzeko gida.
