Atzo hasi eta irailaren 27ra bitartean, Artziniegako Udalak, hasi berri den 2017-2018 ikasturtean udalerrian bertan euskara ikasteko taldeak sortzeko deialdia ireki du.

Deialdia C1 (EGA)-rainoko edozein mailatako taldeak sortzeko da, eta ikasturtean zehar gutxienez 165 eskola-ordu emateko (5 ordu astean gutxi gorabehera). Hala ere, ordu gutxiagoko taldeak sortzeko aukera aztertuko da.

Izena ematea gauzatu nahi dutenek hurrengo honetan eransten den inskripzio-fitxa bete beharko dute eta Udaletxean entregatu irailaren 27ra bitartean.

Izena emateko epea itxi ondoren, Amurrioko AEK-k ikastaldeak sortzeko aukera aztertuko da eta inskribatuei dagokien informazioa emango zaie.

Udal beka: Ikasturtearen hasieran ikasleek AEKri dagokien matrikula-kostua ordainduko diote. Ikasturte amaieran udal beka eskatu ahalko da, eta baldintzak betetzen dituztenei, matrikularen %50 arte itzuli ahalko zaie.

Informazio gehiago Aiarako Kuadrillaren Euskara Zerbitzuan:

945399122 / Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.