Hileko azken igandeko ekoizleen merkatuak harrera ona izan duenez, Gabonetako azoka bat antolatu dugu lehen aldiz. Abenduaren 16an izango da, 17:00etatik 21:00etara, "Toñín Luengas" pilotalekuan. Artisautza, gazta, ezti, txakolin... postuak ere egongo dira. Eta ez hori bakarrik. Zuzeneko musika emanaldia izango da, baita jostailuen bilketa solidarioa ere... Eta txokolatada ere bai! Udaletxeko hallean ohiko postre lehiaketa egingo da. Espero dezagun larunbat arratsalde girotua izatea, gozatzea eta esperientzia ondo ateratzea eta datorren urtean errepikatzea.