Osoko bilkura hau urtero egiten da Gasteizetik kanpoko herri batean, eta datorren urtean hain zuzen ere Aiarako Kuadrilla osatzen duten bost udalerrietako bati tokatzen zaio hartzea. Artziniegak, azkenengo aldiz, 1992an hartu zuen bilkura hori, Juanjo Cagigas alkate zela. Haren aurrekoa, eta ez da gutxi, 180 urte lehenago izan zen, 1812an; orduan, tropa frantsesek lurraldean sartu eta Batzar Nagusiek osoko batzarra Artziniegara eraman behar izan zuten, eta bertan aritu ziren bost egunez, Arteako zuhaitzaren abaroan. Espero dugu gure eskaera aintzat har dezatela Batzar Nagusiek, eta hala, nolabait ere, bat egin dezatela 2022an ospatu genuen hiriaren 750. urteurrenarekin.