Besteak beste, ostiral arratsaldetik aurrera debekatuta egongo da ibilgailuak hirigune historiko osoan sartzea eta aparkatzea, merkatuan postuekin edo dekorazioekin parte hartuko duten eta bertara sartu behar duten pertsonak izan ezik. Halaber, Artekaleko eta Luciano aldapako edukiontziak ostiralean bertan kenduko dira (06:00etan) astelehenera arte, eta, beraz, erabat debekatuta egongo da asteburu horretan zaborra kalean uztea, eta inguruko edukiontzietan egin beharko da, hala nola Geltoki Plazan edo Hiriko Atean. Era berean, Hirigune Historikoan bizi diren pertsonak gonbidatzen ditugu beren balkoiak eta leihoak ospakizun honen arabera apaintzera.