Ingurumen eta Hirigintza Sailak bukatu berria du 1932-1934 urteetako Arabako Lurralde.
Historikoaren ortofotoa lortu duen proiektu bat. Proiektua artxiboko 3.000 irudi baino gehiago berreskuratzearekin hasi zen. Irudi horiek 1932- 1934 urteetan hartu ziren, abioneta batetik eta, hasiera batean, katastroko helburuetarako. Irudi horietatik abiatuta, eta betekizun tekniko oso espezifikoekin ortofotoa sortzeko proiektu bati heldu ondoren, gaur egun lurraldearen etengabeko irudi bat daukagu, orain dela ia 100 urte gure geografia nolakoa zen ikusteko aukera ematen diguna.
Ortofoto historiko hori web bidez egongo da eskuragarri GeoAraba geoatarian. GeoArabako bisoreak eskaintzen dituen tresnez baliatuz, bistaratu, beste garai batzuetako ortofotoekin
konparatu eta mota guztietako kartografiarekin gainjarri ahal izango da, eta bakoitzak behar duen ezin konta ahala erabilera izango du.
Gainera, herrigune bakoitzaren banakako hainbat irudi sortu dira, formatu desberdinetan, edonork deskargatu ahal izan ditzan bere beharrei hobekien erantzuten dieten formatua eta diseinua.