Buru gaixotasuna duten pertsonen eta senideen Aiarako elkarteak haur, nerabe eta gazteen buru osasunerako eskubidea nabarmentzen du.
ASASAMek gazteenen buru osasunari eragiten dioten arrisku-faktoreak murrizteko estrategiak eta neurriak eskatzen dizkio administrazio publikoari.
Datorren urriaren 10ean, astelehenean, Buru Osasunaren Nazioarteko Eguna dela eta, ASASAMek haur eta gazteen buru
osasunean jarri nahi du arreta, zeina, tradizioz, erabat ahaztua eta, batzuetan, gutxietsia izan den.
"Eman 'like' buru osasunari. Ongizate mailan hazteko eskubidearen alde" leloaren bidez, asmoa da buru osasunaren zaintza eta babesa txikitatik sustatzea, horretarako erabakiak hartzen dituzten erakundeak eta eragileak ez ezik, gazte eta nerabeak, haurrak dituzten familiak eta hezkuntza-komunitateak ere interpelatuz eta esku hartzera bultzatuz, pertsona ororen buru osasunari errepara diezaioten.
