Gaur arratsaldean irekiko ditu ateak Artziniegako nagusientzako lokal berriak, Kultur Etxeko eraikinean zegoen Erretiratuen eta Pentsiodunen Etxea behin-behinean ordezkatzera datorrenak. Espazio berria udaletxe zaharreko bigarren solairuan dago eta egunero irekiko da 16:30etatik 20:00etara. Sozializatzeko, mahai-jokoetan aritzeko, prentsa irakurtzeko, liburuak irakurtzeko, telebista ikusteko, jarduerak antolatzeko... gune bat. Urte eta erdi baino gehiago igaro ondoren, lokal propioa gure adinekoen eskura.