-
Hasiera
- Berriak
Udalak gogoratu nahi du udalerri barruan ibilgailu jakin batzuk aparkatzeko erreserbatutako espazioak daudela: osasun-zentroa Goiko Plazan, Udalaren ibilgailua frontoiko aparkalekuan, parrokiaren ondoan, edo mugikortasun urriko pertsonentzat herriko hainbat tokitan.
Aparkalekuetatik kanpo aparkatzea ere gertatzen da, eta horrek zaildu egiten du kamioiek edo edukiontziak biltzeko ibilgailuek maniobrak egitea.
Nork eska dezake 200€-ko laguntza Araban?
Laguntza eskatu ahal izango dute 2022an soldatapekoak izan diren edota beren kontura jarduera ekonomikoren bat egin duten pertsona fisikoek, baldin eta dagokion Gizarte Segurantzako araubidean edo mutualitate araubidean alta emanda badaude, edo langabezia prestazio edo subsidio baten onuradun izan badira.
Artziniegako Udalak 2018tik bere dokumentu historikoak digitalizatzearen aldeko apustua egin du, digitalizazio-programa eta -proiektuen bidez, dokumentu horiek zabaltzeko eta etorkizuneko belaunaldiek aintzat hartzeko. Digitalizazioak dokumentuak manipulatzea saihesten du, eta udal-artxiboko dokumentu-funtsak hobeto kontserbatzen laguntzen du.
Akta-liburuak digitalizatzeaz gain, balio historiko handiko dokumentuak digitalizatu dira, hala nola: hidalgia-espedienteak (1624-1833), obra itsuen espedienteak (1712-1826), hornidura errealak, autoak, botere-gutunak, epaiak, ordenantzak (1537-1934), Bazkideen Batzarraren akta-liburua (1848-1924), lur-neurketak, mugaketak eta mugarriak (1495-1972), azpiegitura-obren eta zerbitzu publikoen espedienteak, obren planoak eta proiektu teknikoak (1633-1983), Ordunteko Batzar Zaharraren funtsa (1623-1887), notario-protokoloak, auziak eta hartzekodunen konkurtsoa (1619-1839).
Bost urteko aldi horretan 557 dokumentu eta espediente digitalizatu dira, eta guztira 19.695 fotograma egin dira. Digitalizazio-programa horiek garatzeko, Artziniegako Udalak Eusko Jaurlaritzaren Kultura eta Hizkuntza Politika Sailaren (Kultura Ondarearen Zuzendaritza) dirulaguntza jaso du.
Digitalizazio-prozesuan, digitalizazioan espezializatutako enpresa batek esku hartu du: dagoeneko antolatuta eta deskribatuta dauden dokumentuak eta espedienteak digitalizatu ditu, dokumentazioa Euskadiko Artxibo Historikora eraman du digitalizatzeko, eta kalitate nahikoa duten artxiboak sortu ditu, dokumentu horiek ikusteko eta erabiltzaileek eta, oro har, herritarrek eskuratzeko moduan egon daitezen.
Artziniegako Udala-Artziniegako Udala Dokumentu Funts honen dokumentu digitalizatuen hedapena eta kontsulta Euskadiko Artxibo Historikoaren webgunean sartuz kontsulta daiteke, Dokuklik-era sartuz (artxibo publiko zein pribatuen dokumentazio digitalizatua kontsultatzeko web-ataria). Dokuklik sakatuta, Badator bilatzailea aurkituko dugu. Bilatzaile honetan, Badator Bilatzaile Aurreratua aukeratuko dugu, eta beste leiho batean sartuko gara. Bertan, kontsultatu nahi diren artxiboa eta dokumentu-funtsa aukeratuko ditugu (adibidez, Artziniegako Udala-Artziniegako Udala), eta egiten ari diren lanak bistaratu ahal izango ditugu.
Artziniegako Udaletxea HAPO berria izapidetzen hasi da. Liburuxka honetan azalduta duzue HAPO zer den, zeintzuk diren haren garapen faseak eta zelan parte har daitekeen. Anima zaitez eta parte hartu antolatuko ditugun aurkezpen, tailer, galdetegi zein beste
hainbat ekintzetan.
