Horren bidez, bisitariak gure Alde Zaharrean barrena ibili ahal izango dira, gailu digitalen bidez hainbat espazio eta ekitaldi (Antzinako Merkatua) birsortuz. Gainera, azken egunotan, Udalak informazio-panel historiko bana jarri du Bengoa dorrearen eta Barrenkaleko 37. zenbakiaren ondoan, gure hirigune historikoko bi eraikin bereziei buruz. Udalaren ekimen horiez gain, beste batzuk ere badaude, hala nola Aiaraldeko Museoen eta Dorreen Ibilbide berriak, Foru Aldundiak, Kuadrillak eta Udalek sustatuak, edo La Lastrako zubitik San Antoniora doan eta Museo Etnografikotik itzultzen den mendi-ibilbideko seinaleztapena, informazio-panelekin eta balizekin.